Zîndanê Patnosî de derheqê tay kitabanê ke gardîyanan dest nayê ser de vera tepişteyan tehqîqat ame akerdene û tehqîqatan ra semed înfazê tay tepişteyan zî ameyî vêşnayene.

Zîndanê Girewteyî yê Patnosî yê Agirî de tepişte Yasîn Yilmazî bi telefonî keyeyê xo de qisey kerd û qala kerdişanê xiraban ê zîndanî kerde.

Yilmazî da zanayene ke îdareyê zîndanî sereştişê koxûşan de dest nayo tay kitaban ser. Yilmazî keyeyê xo rê vat: ''Îdareyî kitabê ke înan bi xo qeyd kerdbî nînan ra semed vera ma tehqîqat akerd. Nika vera 50 tepişteyan tehqîqat ameyo akerdene. Rîyê nê tehqîqatan ra tehlîyeyê çend embazan ameyî astengkerdene. Kitabî bi bahaneya 'ferasetê kurdan û Kurdîstanî dano' ameyî arêdayene.''