Ramazan Îldem qezaya Qoserî ya Mêrdînî de temmuza 1993yî de amebi tepiştene û bi îdîaya 'xerakerdişê yewîya dewlete' cezaya muebede dîyabî ey. Îldem nê 30 serran de 8 zîndanan rê ame surgunkerdene û nika Zîndanê Bafra de yo.

Ramazan Îldem qaşo 4ê temmuze de biameyêne veradayene la Heyetê Çimdarî û Îdareyî yê Zîndanî bi îdîaya 'halê ci hol nîyo' înfazê ci qasê 3 mengan taloq kerd.

Dadîya Îldemî Halîme Îldema 75 serre ard ziwan ke lajê ci karanê xo yê sîyasîyan ra 30 serrî verî tepişîyayo û vat: ''Ma amadekarî kerdêne ke ey pêşwazî bikerê la bi telefonî ma rê ame vayene ke veradîyayîşê ci ameyo taloqkerdene. Se beno wa bibo ma do têkoşînî ra fek vera nêdê. Lajê mi rê neheqîye yena kerdene. Lajê mi û embazê ey rayîrê şerefî de şinê. Naye ra holêr çîyêk zî çin o.''

https://anfkirmancki.com/aktuel/tepisteye-newesi-ye-55-serri-re-iskence-34778