DEM Partî seba ke namzetanê Şaredarîya Amedî dîyar bikera vizêr verweçînayîşî kerdbî. La seba ke raydayîşê şarî de çewî se ra 50ê rayan nêgirewtî verweçînayîş turê diyînî rê mend.

Turê diyînî de seba namzetê camêrdî Dogan Hatun û Garîp Kandemîr do bikewê verweçînayîşî. 

Seba namzeta cinîye Serra Bucak se ra 50 ra zêdeyêr rayî girewtî la seba ke vera rayan îtîraz ame kerdene rayî newe ra yenê hûmaritene.

Qezaya Licê de siba delegeyî seba vernamzetan Burhan Erol û Firat Demîrî raye bidê. Wina pawîyeno ke Komîsyonê Weçînayîşî yê Amedî yê DEM Partî ewro derheqê îtîrazan de eşkerayîyêke bido.

Siba nê adresan de seba dîyarkerdişê namzetanê Şaredarîya Amedî sindoqî do bêrê ronayene:

Bajara Nû: Salona Dawetî ya Kaplanî

Sûr: Salona Dawetî ya Nîlgune

Rezan: Salona Dawetî ya Şolenî

Peyas: Kaplan City (Salona Manolya)

13 qezayanê bînan de bînayanê DEM Partî de sindoqî do bêrê ronayene.