Şehîde Vîyane Soran Silêmanî de, serê gorê xo de bi merasîmêkî ameye yadkerdene. Keyeyê Vîyane Soran, xeylêk merdimî û embazê aye yê têkoşînî beşdarê merasîmî bîyî.

Merasîm de mesajê RJAKî ame wendene. Mesaj de ame parekerdene ke Vîyane Soran seba şermezarkerdişê Komployê Mîyanneteweyîyî 2yê sibata 2006î de çalakîya fedayîye de bedenê xo dabi adirî ver û şehîd bibî. 

Mesaj de wina ame vatene: 'Şehîde Vîyane Soran çalakîya fedayîye 18 serrî verî kerdbî. Na çalakîye seba pawitişê têkoşînê azadîye yê kurdan ameye kerdene. Şehîde Vîyane Soran bi çalakîya xo Komployê vera Rayber Apoyî protesto kerd.''