Şaristanê Îdirî yê Vakurê Kurdîstanî meymandarîya şaranê kurd, tirk û azerîyan keno. Weçînayîşanê peyênan de HDP ser kewtbi. Nê weçînayîşan de namzetê wekîlîye yê Îdirî yê Partîya Çep a Keske Yilmaz Hun o.

Huno ke 16 serran Îdir de mamostatîye kerda, binê sîwana Egitim-Senî de karê sendîka kerdêne. Ey 10 serran serekîya na sendîka kerde. Hun 2017 de bi KHKyan mamostatîye ra ame dûrvistene.

Yilmaz Hunî derheqê weçînayîşan de ANFyî rê qisey kerd û armancê xo rêz kerdî.

Yilmaz Hunî pare kerd ke Meclîs de ê verî armanc kenê ke meseleya kurdan bi dîyalogan çareser bikerê. Hunî vat: ''Îdir de bêkarîye, lêşinîya hewayî de û awanîya şaşe meseleyê verênî yê. Berê bazirganîye girewte yo. Nufusê ciwanan bêkarîye ra koçê teberî kerdo. Şaristanê ma de nasname, bawerî û kulturê cîyayî ciwîyenê. Ganî na dewlemendîye bêra pawitene û averberdene. Meclîs de ma do seba heqanê şarê kurdî, heqanê merdimanê dezavantajan bixebitê. Ma do vera talanê kede, wêrankerdişê xoza û dejenerekerdişê ciwanan aktîf bibê.''