Vizêr MYKyê DEM Partî serkêşîya Hemserekan Tulaye Hatîmogullari û Tuncer Bakirhanî de kom bibi. Kombîyayîş de derheqê weçînayîşanê herêmîyan û pêkerdişê şaristanan de birê girîngî ameyî girewtene.

Bire dîyaye ke weçînayîşê seba dîyakerdişê namzetanê weçînayîşanê herêmîyan mabênê 13-14ê çeleyî de nêzdîyê 50 merkezan de do bêrê kerdene. Goreyê ney bire dîyaye ke endamê Meclîsê Partîye, wekîl, endamê Meclîsê Cinîyan, endamê Meclîsê Ciwanan, îdarekarê qezayan û temsîlkarê dezgehanê sivîlan erk bigêrê ke weçînayîşê dîyarkerdişê namzetan bi zelalî derbaz bibê. Seba temamkerdişê lîsteyanê delegeyan zî xebatî do bêrê lezkerdene.

Ame pare kerd ke xebatê 'Pêkerdişê Şaristanan' ê DEM Partî zî şaristan bi şaristanî do bêrê zelalkerdene. Goreyê ney Hatay, Mersîn, Îstanbul û Anqara de bi hêzanê demokratîkan, dezgehanê sivîlan û partîyanê sîyasîyan têkilîye do bêra xurtkerdene.