Endamê Meclîsê Wekîlan û Wekîlê Partîya Neteweyî ya Îskoçya (SNP) Tommy Sheppardî derheqê tecrîdê vera Rayberê Şarê Kurdî Abdullah Ocalanî de Wezîrê Karanê Teberî yê Brîtanya David Cameronî rê mektubêke şawite.
Endamê Meclîsê Wekîlan û Wekîlê Partîya Neteweyî ya Îskoçya (SNP) Tommy Sheppardî derheqê tecrîdê vera Rayberê Şarê Kurdî Abdullah Ocalanî de Wezîrê Karanê Teberî yê Brîtanya David Cameronî rê mektubêke şawite.
Sheppardî wextê verênî de avûkatanê Rayberê Şarê Kurdî Abdullah Ocalanî de Parlamentoyê Ewropa de pêvînayîşêk kerdbi. Sheppardî seba ke bale bianco tecrîdê Îmraliyî ser Cameronî rê mektube nuşte. Sheppardî mektube de ard ziwan ke tecrîdê Îmraliyî seba kurdan birînêk a û seba azadîya Ocalanî ganî xîretî bêrê kerdene.
Sheppardî dîyar kerd ke nêzdîyê 25 serrî yo Îmrali de hucreyê yewkesî de tepişîyeno û vat: ''Na rewşe goreyê bira Mehkemeya Heqanê Merdiman a Ewropa raşt nîya. Mi avûkatanê Ocalanî de pêvînayîş kerd û înan vat ke 3 serrî yo destûr nêdîyeno ke Ocalanî bivînê. Na rewşe zerar dana îtîbarê Tirkîya zî. Na rewşe yena manaya binpaykerdişê heqanê merdiman.''
Sheppardî waşt ke wa Cameron selahîyetdaranê dewleta tirke de rewşe biercno û wa bikero ke Ocalan bieşko keye û avûkatanê xo bivîno.
