Roniştişê Can Atalayî de Ahmet Şikî qisey kerd. Şikî vat AKP teberê xo de her kesî sey terorîstî hesibeno la bi xo terorîst o. Wekîlanê AKPyî hêrişê Şikî kerd.. Hêriş de Gulîstane Kiliç Koçyigit birndar bîye.
Heyetê Pêroyî yê Meclîsî bi vengdayîşê partîyanê mûxalîfan semedê wekîl Can Atalayî ke tepişte yo ame pêser.
Pîya bi Hemserekanê Pêroyî yê DEM Partî Tuncer Bakirhan û Tulaye Hatiogullari Serekê Pêroyî yê CHPyî Ozgur Ozel zî tewrê kombîyayîşî bi.
Kombîyayîş de Wekîlê Partîya Karkeran a Tirkîya (TÎP) Ahmet Şikî qisey kerd. Ahmet Şikî AKPyîjan rê vat: ''Kam ke şima ra nêbo şima tira vanê terorîst. Şima Can Atalayî zî sey teroristî hesibnenê la şima bi xo terorîst ê.''
Şikî bi ziwanê tujî AKP rexnê kerd. Naye ser o Serekwekîlê Meclîsî Bekir Bozdagî madên heyetî. Dima ra Şikî reyna eynî çîyî vatî naye ser o meclîsî reyna mabên da.
Wekîlê AKP Alpay Ozalnî hêrişê Ahmet Şikî kerd. Wextê hêrişê AKPyijan de Serekwekîla Grûba DEM Partî Gulîstane Koçyigît bi girmikê Ozalanî biryeyê xo ra birîndar bîye.
Hemserekanê Pêroyî yê DEM Partî Tulaye Hatimogullari û Tuncer Bakirhanî derheqê hêrişî de eşkerayîye daye û vat: ''Wekîlê ma yê cinîyî meclîs de raştê hêrişê weklanê camêrdan ê AKyî ameyî. Na haydutîya sîyasîye ya. Nê hêrişî îradeyê şarî û huqûqî nas nêkenê û ecizîya sîyasîye ya. Ma do vera nê hêrişan peyser game meerzê.''
Meclîsê Cinîyan ê DEM Partî zî bi eşkerayîyêke vera hêrişî hêrsê xo ard ziwan û vat: ''Nê hêrişî reyna polîtîkaya dişmenîye ya îqtîdarî ya vera cinîyan ramojna. Hêrişê vera embaza ma Gulîstane Kiliç Koçyigit hêrişê vera rengê cinîyan, îrade, vindertişê, sîyaset û têkoşînê cinîyan o. Ma do her ca de vera şîdetê camêrd dewlete têkoşînî xurt bikerê.''
Hemserekê Pêroyî yê CHPyî Ozgur Ozel zî vat: '2Eke meclîs de gonî rişîyena ganî hemwelatî se bikero?'' Ozelî badê eşkerayîye Gulîstane Kiliç Koçyigit zîyaret kerd.
