Wekîlê çepgîrî yê fransizî Eric Coquerelî derheqê tedayanê Tirkîya yê vera HDPyî de vernîyazêkê persî da Wezaretê Karanê Teberî yê Fransa.

Wekîlê  France Insoumise Eric Coquerelo ke Anqara de Dewaya Kobanê teqîb kerdbi vat: ''Mi nê proseduro ke Serekkomarê Tirkîya pêşkêş kerd de tesbît kerd ke heqê pawitişî û krîterê demokratîkî bi hawayêkê giranî ameyî tesbîtkerdene.

Eric Coquerelî da zanayene ke Dewaya Kobanê 'sîyasî' ya û vist vîrî ke sebebê dewa 'têkoşînê vera DAÎŞî de paştdayîşê seba şerwanan ê kurdan' o. 

Eric Coquerelî vat: ''Dima zî seba qefilnayîşê HDPyî dewayêka diyîne do dest pêbikera.'' 

Eric Coquerelî venga Wezîr Jean-Yves Le Drianî da û vat: ''Şima zî sey mi zanenê ke warê mîyanneteweyî de cayê vengê Fransa esto, no zî mesuldarîyêke dano ma. Coka seba ke ma nê meseleya lezabeze û cewabanê Fransa ser o qisey bikerê ganî cade pêvînayîşêk bikerê.''