Nobeta Edaletî ya wekîlanê HDPyî roja 24. de dewam kena. Wekîlî Şevîne Coşkûn, Gulîstane Kiliç Koçyîgît, Mûrat Sarisaç, Kemal Pekoz, Mûrat Çepnî, Hasan Ozguneş, Nûsrettîn Maçîn, Îmam Taşçier, Alî Kenanoglû, Erdal Aydenîz, Mûazzeze Orhan, Dilşate Canbaz Kaya, Zuleyha Gulum, Celadet Gaydali tewrê nobete bîyî.

Dilşate Canbay Kaya nameyê wekîlan ser o eşkerayîye daye û vat: ''Çira ma 24 rojî yo bi israrî ne nobete rê dewam kenê? Çunke ma zanenê ke heqê merdiman û azadîye goreyê sîyasetî û kesan nêvurîyenê. Ma wazenê ke wa Ocalan bieşko keye û avûkatanê xo bivîno. Îmrali de şexsê Birêz Ocalanî de tecrîdêko giran est o. ''Tecrîdo ke Îmrali de dest pêkerd, ma pêroyînan rê yeno ferzkerdene. Ganî ma pîya vera tecrîdî wurzê we. Ma venga pêro cinîyan, ciwanan, elewîyan, karkeran û bindestan danê ke wa vera tecrîdî têbigêrê. Wa destûr bêro dayene ke Birêz Ocalan bieşko keye û avûkatanê xo bivîno.''