Buroyê Huqûqî yê Asrinî hesabê xo yê twîtterî ra da zanayene ke Fas, Fîlîstîn, Başurê Kurdîstan, Iraq, Lubnan, Misir, Rojawan, Surîye û Urdunî ra 756 avûkatan semedê pêvînayîşê Rayberê Şarê Kurdî Abdullah Ocalanî muracatê Wezîrîya Edaletî kerd.

Buroyê Huqûqî yê Asrinî da zanayene ke avûkatan waşt derheqê na babete Silêmanî de kombîyayîşê çapemenîye bikerê la asayîşî destûr nêdayo û vera nê hêrsê xo ard ziwan. Avûkatan vat: ‘’Astengkerdişê kombîyayîşê çapemenîye mojneno ke rewşa tecrîdî senî rewşêka mîyanneteweyîye ya û vera ci ganî têkoşîn bêro kerdene. Avûkatê ke Birêz Ocalanî sey hêzê çareserî vînenê, azadîya ci wazenê û paştdayîş danê ma, ma înan rê spas kenê.’’

14ê êlulde 22 welatanê cîya cîyayan ra 385 avûkatan semedê pêvînayîşê Abdullah Ocalanî muracatê Wezîrîya Edaletî kerd û Bruksel de bi eşkerayîyêke da eşnawitene.

Bi eynî waştişî Başûrê Kurdîstanî de kampanya dîyaye destpêkerdene. Komîteya amedekarîya kampanya waşt verê Mehkemeya Silemanî de eşkerayîye bido la asayîşî destûr nêda. Goreyê komîte herêmanê cîya cîyayan ê Başûrê Kurdîstanî ra 44 avûkatan muracat kerd. Yeno pawitene ke rojanê verê ma de derheqê kampanya de kombîyayîşê çapemenîye bêro kerdene.