Qezaya Xîzanî ya Bedlîsî de herêma bi nameyê 'Daristanê Findiqî' 14ê temmuze de sey 'herêma asayîşê taybetî' amebî îlankerdene û heta 28ê temmuze tede ablûqaya leşkeran dewam kerdbî.

Dewanê herême de xeylêk leşker û qoricîyî operasyonan kenê. Dîya zanayene ke bi taybetî dormeyê dewanê Hûzeran û Best, Sûreh, Xûlepûr û Kekulan de operasyon bi hawayêkê çetinî qewimîyayo.

Operasyonê dewa Xûlepûrî de herêma Daristanê Findiqî de leşkerî pê kepçeyan daran kokî ra birnenê. Çimeyê herêmîyî pare kenê ke leşkerî seba ke rayîrî abikerê daranê daristanî birnenê.