Karkeranê Şîrketa Anonîme ya Vilakerdişê Ceyranî ya Firatî (FEDAŞ) vera heqê kede yê kêmî û şertanê xiraban Dêrsim de dest pê çalakîye kerdbî.

Çalakîya karkeran roja 13. de dewam kena. Karkerî verê FEDAŞî de ameyî têhet û înan waştişê xo ardî ziwan. Sekreterê Enerjî-Senî ya DÎSKî Emîn Atsizî zî paştî daye çalakîya karkeran.

Atsizî çalakîye de qisey kerd û vat: ''Karkerî raştê mobbing û tedayan yenê. Karkeran rê şertê koletîye yenê ferzkerdene, heqê keda înan nêno dayene. Bi bahaneya çalakîye de karkeran ra mefteyê wesayîtan ameyê girewtene. Karkerî pê wesayîtanê xo yê şexsîyan mudaxeleyê erizayan kenê.''

Dima karkeran eşkerayîye daye, govende girewte.