Heyetê Weçînayîşî yê Berzî (YSK) eşkera kerd ke roja weçînayîşan 14ê gulane de qedexeyî do key dest pêbikerê û biqedê.

Birê YSKyî wina yê:

"a) Roja raydayîşî de heta saete 18.00 radyo û her tewirê dezgehê weşanî do nêeşkê derheqê weçînayîşan û netîceyanê weçînayîşan de xebete, texmîn û şiroveyan bikerê.

b) Saeta mabênê 18.00-21.00 de radyo û her tewirê dezgehê weşanî de teyna xeber û agahîyê ke YSK do bidê, biweşanîyê.

c) Saete 21.00 ra pey pêro dezgehê weşanî serbest ê la YSK eke hewce bivîno do bieşko saete 21.00 ra verî bira serbestîya weşanî bido.''