Tirkîya, Yunanîstan û Bulgarîstan de varayîşê zêdeyî ra laser werişt. Xeylêk kesan laser de dinyaya xo bedilnaye.

Walîyê Îstanbulî da zanayene ke laser de qezayanê Başakşehîr û Kuçukçekme de 12 kesî birîndar bîyê û 2 kesî merdê û zerar resayo bi hezaran bîna û dikanan. Wezîrê Karanê Zereyî yê Tirkîya Alî Yerlîkayayî dîyar kerd ke kampêka Kirklarelî de serê sînorê Bulgarîstanî de 4 kesî vînî bîyê.

Yunanîstan de polîsan şaristanê Volosî, herêma Pilionî û girawa Skiathosî şîyayîş û ameyîşan rê qedexe kerdî. Volos de kesêk merd, 5 kesî vînîbîyaye yê. Pilion de wesayîtî kewtî verê laserî.

Bulgarîstan de 2 kesî merdî û 3 kesî laser de vînî bîyê. Laserî zerarêko pîl da pird û rayîran zî û xeylêk cayan de ceyran birîya.