Sîstemê tecrîd û îşkenceyî yê vera Rayberê Şarê Kurdî Abdullah Ocalanî her ke şino vilayê pêro zîndanan beno. Şubeyê Wan, Tetwan û Bedlîsî yê Komeleya Heqanê Merdiman (ÎHD) derheqê rewşa zîndananê herêma Serhedî de raporêk amade kerd.

Rapor de ame parekerdene ke Zîndanê Îdirî de wextê cigêrayîşan de vera tepişteyan sûcî yenê kerdene, pêvînayîşî yenê astengkerdene, waştişnameyî bê cewab yenê verdayene û tepişteyê nêweşî nênê berdene bi revîrî.

Zîndanê Erzironî de koxûşî teng ê û qerebalix ê, cigêrayîşo rût tepişteyan rê yeno ferzkerdene, tepişteyê nêweşî sewqê nêweşxaneyan nênê kerdene, wextê sewqkerdişî de tepişteyan rê muameleyê xirabî yenê kerdene û kitab, kovar û rojnameyî nêdîyenê tepişteyan.

Zîndanê Panosî yê Îdirî de  koxûşêk de 19 tepişteyî manenê, tepişteyê nêweşî sewq nêbenê, awa werdişî nêdîyena û heqê telefonkerdişî vay o.

Zîndanê Wanî de tepişteyê nêweşî sewq nêbenê, dermanî nêdîyenê.