Burhan Ozmuşo 24 serre Zîndanê Şakranî yê Îzmîrî de tepişte yo. Ozmuşî ewro telefon de babîyê xo reyde qisey kerd û qala şîdetê vera ci kerde.

Ozmuşî babîyê xo rê vat: ''Mi vîrusê Korona ra semed şima rê vat ke keyeyê xo ra mevejîyê. Şima zî vat ke neçare yê ke bixebitê. Mi reyna vat keyeyê ra mevejîyê û vengê xo berz kerd. Dima ke mi telegon qefilna 15 gardîyanî ameyî hetê mi û înan da mi ro. Sere û çimê mi şikitî. Goşê mi ra awe yena. Ez nêberda nêweşxane. Çend rojan ra nata dejî ra nêeşkena ra bikewa.''

Ozmuşî ard ziwan ke rewşa ey baş nîya û keyeyê xo ra waşt ke gerreyê gardîyanan bikero. Babî Cîhan Ozmuşî zî dima ke lajê xo de qisey kerd muracatê Şubeyê Îzmîrî yê ÎHDyî kerd.

Ozmuşî eşkera kerd ke siba Serdozgerîya Komare ya Îzmîrî de gerre bikero.