Paytextê Îranî Tahran de Zîndanê Evîne  yo ke pê îşkenceyî yeno naskerdene de şewat vejîya.

Dîmenê ke înternetî de ameyî vilakerdene de yeno vînayene ke herême de dû  û kila benê berz. Zîndano ke tewr zaf tepişteyê sîyasîyî tede yenê tepiştene de vengê tifingan û alarman zî  yeno.

Bi seyan kesê ke wextê protestoyan de ameybî destbendkerdene şawîyaybî Zîndanê Evînî. Grûba vera hukmatî înternetî de vîdeoyî vila kerdî. Nê vîdeoyan de vengê slogana ''dîktatorî rê merg''î yena ke na slogana verêne ya têgêrayîşê protestoyî yê vera hukmatî ya. Yew şahîdê ke ajansê xeberan ê Reutersî rê qisey kerd vat merdimê tepişteyan verê berê zîndanî de ameyî pêser.