Zîndanê Sîncanî de tepişte Mehdî Baştîmur seba ke sloganî vatî derheqê ey de tehqîqatê dîsîplînî ame akerdene. Baştîmurî çarçewa tehqîqatî de bi kurdkî pawitişê xo yo nuştekî da. 

La pawitişê ci hetê Îdareyê Zîndanî ra nêame qebulkerdene. Îdareyê Zîndanî madeya 3. ya Qanûnê Bingeyî 'Dewleta tirke pê erd û şarê xo yew a û nêna parçekerdene. Ziwanê ci zî tirkî ya' kerde bahaneya redkerdişî.

Îdareyê zîndanî bahane kerd ke 'bi zelalî ame tesbîtkerdene ke ti bi tirkî zanenî' û pawitişê bi kurdkî qebul nêkerd. 

Eke Baştîmurî hetê tarîxêkî pawitişê xo yê nuştekîyî nêdo, do wina bihesibîyo ke 'ey heqê xo yê pawitişî ra fek vera dayo.'