Zîndanê Bi Asayîşê Berzî yê Wanî de gardîyanan eşt koxûşan ser û tepişteyan rê îşkence ame kerdene. Avûkatanê di tepişteyan derheqê babete de qisey kerd.

Avûkatan wina qalê îşkenceyî kerd: ‘’Serebût 9ê adare de nêmroje ra pey qewimîyayo. 3 tepişteyî wexto ke agêrayêne koxûşê xo gardîyanî vanê ke koxûşan de cigêrayîş do bêro kerdene. Gardîyanî mudaxeleyê tepişteyan kenê, nînan erdî ra derg kenê û paskilan erzenê tepişteyan ro. Koxûşanê bînan ra tepişteyê bînî nê îşkenceyî vînenê û danê beran ro. 

Gardîyanê erzenê koxûşanê tepişteyanê bînan ser zî, tepişteyan rê heqaret kenê û gef wanenê. Derheqê pêro tepişteyan de tehqîqatê dîsîplînî yeno akerdene.’’

Dîyar bi ke tepişteyan Serdozgerîya Komare ya Wanî rê gerreyê sûcî kerdo.