Fîlozofo namdar Slovaj Zizekî tewrê 'Rojanê Wendişê Kitabanê Abdullah Ocalanî' bi. Zizekî pawitişnameyanê Rayberê Şarê Kurdî Abdullah Ocalanî ra tay pasajî wendî û şirove kerdî. 

Zizekî ard ziwan ke seba ey sereberzî ya ke pasajanê Ocalanî waneno. Zizekî pawitişnameyan ra paragrafo diyîn ê beşê 351inî wend.

Zizekî dima paragrafî ser o ercnayîşî kerdî û vat: ''No beş çîyo rind o metafîzîk o ke şewq dano û mojneno ma ke ma kam ê. Ma mîyanê sîstemî de ganî cuyêka xosere biciwîyê. La heta ke ma sey yewbînan bibê ma benê sey her kesî. Ocalanî tîya de vera ney viritişê sîstemî pêşnîyaz kerdo. Seba ke merdimî bikewê prosesê xelisîyayîşî û azadîya komelkî ganî hêverî xo azad bikerê. Ganî merdimî xo biresnê asta azadîye.

Seke Ocalanî vatbi ke seba afernayîşê dinyayêka komelkî ya newîye ganî sîstemo nikayên destpêk de bêro viritene. Qebulkerdişê vengîye, tedaya dinyaya nikayêne ra xelisîyayîşî; nê meylêko zereyî yo bêhempa yo.

Ocalanî xeylêk analîzê komelkîyî û bitesîrî kerdî la nê wird paragrafî bi taybetî pêro koordînatanê bingeyînan ê metafîzîkî ercnenê.''