Parlamentera HDPyî Zuleyha Gulum ard ziwan ke problemê cinîyanê ke bajarê çadiran de manenê, gere zaf hetan ra bêrê safîkerdene û vat: ''Cinîyî şîdetê camêrdan reyde rî bi rî manenê û gere bi lez û bez ewleyîya cinîyan bêra peydakerdene.''
Wekîla HDPyî ya Îstanbulî Zuleyha Gulum derheqê problemanê cinîyan de ANFyî rê qisey kerd.
Gulume dîyar kerd ke cinîyê ke herêmanê erdlerzî ra yê, problemê înan zaf ê û problemê cinî domanan wina rêze kerdî: ‘‘Goreyê zanayîşan ke ma dîyî û cinîyê mexdûrî goşdarî kerdî, problemê setargeh û ewleyî cayêkê tewr berzî de yê. Cinîyê ke bajarê çadiran ra manenê, hetê camêrdan ra marûzê şîdet û tacîzî manenê. Gere bi lez û bez ewleyîya înan bêra peydakerdene. Problemê cinîyan o bîn zî pakîye û hîjyen o. Tay cayan ra tûwaletê seyarî sey tekel yenê xebitnayene. Tûwaletê cînîyan cay-cayan ra qet çin ê û tay cayan ra zî zaf kêmî yê. Hewcedarîya cinîyan bi ped, tampon û bincilî û hacetê weşîye yê seba cinîyan, est a. Û sewbîna werdê domananê, bezê domanan zî hewce yê.
Çadirê cinîyan awan kenê
Gulume dîyar kerd ke HDP do 8ê Adare de paştîdayîşî hîna xurt bikero û wina vat; ‘‘Ma hewl danê ke cinîyan reyde tora cinîyan awan bikerê. Ma çadiranê cinîyan awan kenê. Ma çadiran de sohbet kenê û hewl danê ke nê dejanê xo bi paştîdayîşî bipêşê. Ma xebitênê ke dewlete perpirsyarîyanê xo bîyara bi ca. Ma do 8ê Adare de paştîdayîşî xurtêr bikerê.’’
