Çalakîkerê Iraqî dekewtî bînaya sefaretxaneyê DYA
Terefgîranê Haşdî Şabî yê ke hêzê milîsî yê terefgîrê Îranî yê Iraqî yê, dekewtî bînaya sefaretxaneyê berzî yê DYA yê Herêma Keske. Çalakîkeran kulubêk û dêsê teberî yê bîna vêşna.
Bombardumanê DYA yê vera Tugayanê Hîzbullahî ra dima bi hezaran kesî vejîyayî bînaya Sefaretxaneyê Berzî yê DYA yê Bexdadî.
Selahîyetdarêkê Iraqî Reuters reyde qisey kerd û vat Sefîro Berz ê DYA û personelê sefaretxaneyî bi bahaneya asayîşî bina ra ameyî vetene. Milîs û terefgîranê Haşdî Şabîyî yê ke bendanê kontrolî yê Herêma Keske ra derbaz bîyî bi sloganê ''Amerîka rê Merg'' alaya Amerîka vêşnaye.Çalakîye de pankarta ''Ganî Parlamentoyê Iraqî yewînanê Amerîka def bikê, nêbo ma do bikê'' ameye akerdene. Hêzanê asayîşî yê Iraqî kewtî mabênê beranê sefaretxaneyan û çalakîkeran. Labelê çalakîkerî xo resna baxçeyê sefaretxaneyî.
Dîmenanê medyaya komelkî ra ame dîyene ke nawnayîşkeranê Şîa kulubeyê asayîşî yê sefaretxaneyî vêşna. Terefgîranê Haşdî Şabîyî dêsê sefaretxaneyî zî vêşnayî. Hêzanî Amerîka seba ke nawnayîşkerî bivisnê dûrî gaz eşt înan ser.Teyarayanê şerî yê Amerîka 29ê kanûne de panc kampanê Tugayanê Hîzbullahî yê Koalîsyonê Haşdî Şabîyî ser o bombayî varnabi ke nêzdîyê Îranî yê. Netîceyê bombardumanî de tewr tay 25 kesî merdbî. Goreyê Haşdî Şabîyî kesê ke merdî mîyan de tay fermandarî zî estbî.
