Nawnayîşê vera Hukmayê Iraqî yê ke Bexda, bajarên başûrê Iraqê yên Şîa Necef, Kerbela, Basra, Zîkkar, Mîssan, Mûssena, Dîvaniye, Nasiriyeye de dest pêkerd dewam kenê. Nawnayîşkeran zaf cayê Basra û beşêkê girîngî yê Bexdadî kontrol kerdî. Nawnayîşkerê ke cayanê kontrol kenê wazenê ke waştişê înan bêrê caardene. Yeno vatene ke nawnayîşkerî pabeyê netîceyê pêvînayîşanê selahîyetdaran ê coka bêvengîye esta.

Wexto ke Hukmatê Iraqî birrê xo yê neweyî eşkera kerdêne Bexdadî de zî hêzê dewlete seba ke herêman newe ra kontrol bikê vera nawnayîşkeran dest pê operasyonan kerd.Hêzanê dewlete  hêrişanê xo de gazî xebitnayî û netîce de 25 kesî birîndar bîyî.

Tayê Komê Îranî: Ma Do Bikê Ke Şerê Zereyî Bêro Meydan

Mabênê Hukmatê Iraqî û çalakîkeran de rewşe bi nê hewayî ya. Mabênî de Tevgerayîşê Nasirî ra Serekê Koalîsyonê Nasarî Adnan Zerîfî vat tay kemê sîyasî yê Îranî gef wanenê ke eke hukmatê Abdulmehdîyî bêro çinkerdene Iraqî de şerê zereyî do bêro meydan.

Serekwezîrê Iraqî Adil Abdulmehdîyî zî seba vindarnayîşê nawnayîşan waşt ke rîsipîyanê êşiranê Kerbela û Necefî reyde pêvînayîşan biko. Labelê rayberanê êşiranê Kerbela pêşnîyazê Abdulmehdîyî red kerd.