Weçînitişê cayîyî rojdemê dinya de bîyî. Şîroveyê sey “nê weçînitişî binkewtişê Erdoganî nîşan da” û “weçînitoxan halê xirabî yê ekonomî ra bêmemnûnîya xo ramote” ameyî kerdene. DYA ra heta Brîtanya, Fransa ra heta Almanya çapemenîya welatanê bînan de weçînitişê cayîyî yê 31’ê Adare wina ca girewt:

The Guardian

“Nê weçînitişî seba Erdoganî ke 16 serrî yo ser de yo bî sey referandumêk.

Şarî halê xirabî yê ekonomî ra bêmemnûnîya xo ramote.”

Financial Times

 “Vîndîkerdişê bajaranê pîlan, beno ke vîndîkerdişê kontrolê pêameyîşanê bikaran û îmkananê karî yê bajaranê pîlan xo reyde bîyaro.”

New York Times

“No weçînitiş eşkeno sey vîndîkerdişêko pîl ê îqtîdarê Erdoganî bêro vînayene.”

Le Monde

“Nê netîceyî seba Îqtîdarê AKP’yî yo ke 2002 ra welatî rayra beno nîşanê binkewtişêkê pîlî yê.”

Stuttgarter Nachrichten

 “Eke Erdogan çîyo ke muxalefetî Enqere de bi dest fînayo bi dadgerîya ke kerda binê kontrolê xo betal bikero, do problemanê girdan dir têrî bimano.”

Badischen Neuesten Nachrichten

“Partîya Erdoganî paytext Enqere vîndî kerd.  Nê netîceyî seba AKP’yî serkewtişêk nêyê.”

CNN International

“Serekkomar Recep Tayyîp Erdogan weçînitişê cayîyî de binkewtişêkê sîyasîyî yê pîlî ciwîya.

Gama ke nê netîceyî bibê fermî do no seba fîguro serdest ê welatî Erdoganî bibo derbeyêka pîle.”