Hetkarê Serekê Komîsyonê Weşîye Lî Bînî îfade kerd ke vîrus 440 nêweşan de ame eşkerakerdene. Lî Bînî hîşyar kerd ke vîruso ke bi nefesî vila beno bi mutasyonî hîna zêdêr pîlêr bibo.

25ê çeleyî Çîn de sey serra newîye yeno fîrazkerdene û naye ra zaf kesî seyahat kenê. Coka yeno qesawetkerdene ke vîrus do vila bibo. Hukmatê Merkezîyî dest pê tebdîran kerd.

Hukmatî roja sêşemeyî eşkerayîyêke kerde ke înan no vîruso newe kategorîyê vîrusê SRASî de hesibnenê ke vîrusê SRASî ra mabênê serranê 2002-2003î de Çîn û Hong de 650 kesî merdî.

Vîrus hema hema pêro şaristananê Çînî de vila bi ke metropolanê sey Şangay û Pekîn zî tede yê.

Japonya, Başûrê Kore, Taylan û Tayvanî ra dima DYA de zî vîrus ame tesbîtkerdene. Ame parekerdene ke vîrus kesêko ke şaristanê Wuhanî yê Çînî ra ame ra vila bi. Vîrus reya verêne menga kanûne de bazarêka Wuhanî de vejîyabi meydan. Selahîyetdaran awil ard ziwan ke vîrus mabênê merdiman de vila nêbeno la roja sêşemeyî bi hawayêkê fermîyî da zanayene ke vîrus mabênê merdiman de vila beno.

Goreyê na rewşe çareserîya nêweşanê vîrusî têna karantîna ya.