Çîn de vîrusê korona yê ke peynîya serra 2019î de vejîya meydan heta nika 41 kesî tira merdî û 40 mîlyon merdimî zî binê karantîna de yê. Çîn de fîrazşayîyê serra newîye yê Heyvî ameyî batalkerdene.

Nêweşîya ke vîruê korona ra vejîyaye kanûna 2019î de bazarêkê şaristanê Wuhanî ra vila bî. Heta nika 41 kesî nêweşîye ra merdî. Selahîyetdaran vizêr eşkera kerd ke 1300 kesî nêweşxaneyan de rakewenî.

Goreyê sernameyê Çînî emser Çîn derbazê ''Serra merreyî'' beno. 

Selahîyetdaran da zanayene ke herêmanê sembolîkan sey Bedenê Çînî û goranê Mînglanî bi temamî ameyî girewtene. Stadyumo ke serra 2008î de seba Olîmpîyatanê Pekînî ame kerdene heta 30ê çeleyî ame girewtene. Pekîn de resnayîşê seba 'Sîteyê Qedexeyî roja pancşemeyî ra nata qedexe yo.

Disneylandê Şangayî berê xo padayî. "Le Cîrqûe du Soleîl" yê namdarî zî pare kerd ke waştişê selahîyetdaran ra nawnayîşê xo batal kerdî.

Şaristanê Wuhanî de wesayîtê hewayî, erdî, dengizî bi temamî qedexe yê. Dikanî zî girewte yê û merdimî bi maskeyan vejîyenê teber.

Goreyê xebera AFPyî têkilîya 13 herêman bi dinya birîyaye. 

Rêxistina Weşîye ya Dinya (WHO) na reye hîşyarîya lezabeze ya dinya nêkerde. Rêxistine pêşnîyaz kena ke wa kes teşxele nêkero.

Selahîyetdarî vanê ke derzina vera vîrusî zî menganê hamnanî de do bêra ceribnayene.