Weçînitişê Yunanistanî de partîya rastgêre Demokrasîya Newî ya Kyriakos Mîçotakîsî se ra 39.7’ê rayan girewt, bîye partîya serkewtî û parlemento de 300 parlementeran ra 158 parlementerî girewtî.

Partîya Çîprasî Syrîza zî se ra 31.5’ê rayan girewt û hûmara parlementeranê ci 144 ra kewte 68. Weçînitoxî Syrîza sûcdar kenê ke sozê xo bica neared û polîtîkaya teserufê giranî înan ser o ferz kerda. Mîçotakîso 51 serrî ke rayberê partîya rastgêre yo vat, “Dewrêk bidej qedêno” û îdîa kerd ke do umîdan rê bibo cewab. Çîprasî qebûl kerd ke weçînitiş de bin kewto û Mîçotakîs pîroz kerd. Serekwezîrê nikayênî soz da ke do muxalefetêko aktîf bikero û xo newe ra awan bikerê.

Weçînitiş de partîya KINAL’î ya ke mîyanê partîya verêne ya sosyalîste PASOK’î ra awan bîye bi girewtişê 22 kursîyan bîye partîya hêrêyine. Partîya Komunîste KKE zî 15 kursîyî girewtî. Partîya Çareserîye ya Netewepereste 10 kursîyî, partîya MeRa25 ya wezîrê very yê malîye Yanîs Varûfakîsî zî 9 kursîyî girewtî.