Prosesê ezîlkerdişê Serekê DYA  Donald Trumpî dewam keno, îdîanameyo ke ame amadekerdene seba îmzakerdişî Senato ra ame erşawitene.  Îdîanameyo ke bira ezîlkerdişî ya Meclîsê Temsîlkaran ra dima ame amadekerdene bi îmzaya Sereke Nancy Pelosî do Senato rê bêro erşawitene.

Pelosî ya Partîya Demokrate tesdîqkerdişê îdîanameyî ra dima eşkerayîyêke daye û vat: "Ma wextêkê tarîxî de yê'' û bale ante girîngîya prosesê ezîlkerdişî.

Hetê bînî ra endamê Meclîsê Temsîlkaran ê Partîya Demokratan Adam Schîffî sey berpirsîyarê dozgeranê tehqîqatê ezîlkerdişê Trumpî ame weçînayene. Schîff verê cû Kalîfornîya de dozgero federal bi.

Serekê DYA Donald Trump yeno sucdarkerdene ke seba ke rakîbê xo Joe Bîden bin bikero tedaya Serekkomarê Ukrayna Volodîmîr Zelenskî kerd ke têkilîyanê lajê Bîdenî ser o tehqîqat bikero wezîfeyê xo bi hawayêkê xirabî xebitna.

Labelê aseno ke bira ezîlkerdişê Trumpî Senato ra derbaz nêbo. Senato de 100 endamî estê û 47ê ci endamê demokratan ê.