Goreyê xebera keyepelê Mizan Online Sadrullah Fazelî Zareî û Yusuf Mehrdadî seba ke ''Pêxemberê Îslamî Muhammedî rê heqaret kerdo û Qûran vêşnayo'' roja dişemeyî ameyê dardekerdene.

Goreyê xebere adara 2021î de nînan ra yewî îtîraf kerdo ke medyaya dîjîtale ser de heqaretî kerdê. 

Rêxistinan heqanê merdiman dîyar kerd ke Îran de ''îtîrafkerdiş'' binê îşkenceyî de yeno kerdene. Rêxistina Efû ya Mîyanneteweyî zî tede goreyê xeylêk rêxistinanê komelê sivîlî Îranî ra ber tewr zaf Çîn de merdimî ameyê dardekerdene. 

Rêxistina Heqanê Merdiman a Îranî (IHR) û Rêxistina Vera Cezaya Mergî (ECPM) da zanayene ke 2022 de hûmara merdimanê ke ameyê dardekerdene se ra 75î zêdîyaya. 

Goreyê raporê înan Îran de 2021 de 333 kesî û 2022 de zî tewr tay 582 kesî ameyî dardekerdene.