Alî Abîbzadehî kombîyayîşêkê çapemenîye de Tehran de vat: "Çîyo qetî no yo ke teyara bi fuzeyêk nêameye pirodayene."

Abîbzadehî ard ziwan ke cigêrayîşê zanayîşanê 'kutuyê vîrî' yê teyara girîng ê û îfade kerd ke heta ke nê zanayîşî eşkera nêbê  eşkerayîyê ke yenê kerdene girîng nîyê.

Teyaraya bi tîpê Boeingî ya Ukrayna ya ke tede 176 kesî estbî 8ê çeleyî de Tehranî ra werişte mabênê çend deqayan de kewte war. Teyara de zafî îranijî û kanadayîjî û tay zî ukraynayîjî, afganî, îngîlîzî û swêdîjî estbî. Teyara hêrişê bi fuzeyan ê  Îranî yê vera DYA ra dima kewte war. Kanada û Îngilîstanî îdîa kerd ke fuzeyê Îranî bi şaşîye ginayî teyara ro. Derheqê na babete de tay dîmenî kewtî medyaya komelkî ser labelê hema nê dîmenî nêameyî rastkerdene.

Abîdzadeyî vat: ''Ma nê dîmenî dîyî. Ma rast kenê ke teyara goreyê 60-70 sanîyeyan adir girewt. Labelê no heta zanistî ra rast nîyo ke ma vajê çîyêk ame pirodayene teyara.