Mesud Suleymanîye yo ke DYA de tepişte bi û Xiyue Wang o ke Îran de tepişte bi roja şemeyî ameyî veradayene.

Eşkerayîye hetê Wezaretê Karanê Teberî yê Îranî û Serekê DYA Donald Trumpî ra ameye parekerdene.

Vurnayîşê tepişteyan persê ''Gelo têkilîya mabênê nê her di welatan baş bena yan'' ard vîrî.

Mabênê Tehranî û Washingtonî de nêzdîyê 40 serran têkilîyêka dîplometîke çinbî. Dima ke DYA serra 2018î de bi hawayêkê yewterefî xo peymana nukleerî ra tepîya ant û newe ra dest pê ambargoyê vera Îranî kerd alozîya mabênê DYA û Îranî bîye pîlêr.

Serekê DYA Trumpî babeta vurnayîşê tepişteyan ser o Îran rê sipas kerd û vat: "Pêvînayîşêko têdûşt bi."

Trumpî twitter de wina nuşt: "Seke şima zî vînenê ma eşkenê pêbikê."
 

Wezîrê Karanê Teberî yê Îranî Cewad Zarîfî vat: "Ma kêfweş ê ke Prefesor Mesur Silêmanî û keyeyê Xiyue Wangî pîya roniştî. Xiyue Wan o ke 3 serran zêdêr Îran de tepişte bi şi DYA."