Gore beyanatê Ajansê Enerjîyê Atomî yê Îranî, Febrîqeya nukleere ya Fordoyî de do karê berardişê uranyumê zengînkerdeyî newe ra dest pêbikero. Nê beyanatî welatê Ewrupa fîştî qisawete ke  peymana nukleerî ra xoantişê serokê DYA Donald Trumpî ra dima cad kenê ke na peymane “bireyne.”

Gore xeberêka bîne ya ajansê xeberan a nêmresmî yê Îranî, Îsnayî, Ajansê Enerjîyê Atomî yê Îranî beyan kerd ke bîşew ra nat karê enjektekerdişê gazê santrîfujenê nukleerî  (ûranyûm hekzaflorur) do herême de dest pê bikero. 

Îranî seba ke vera hêzanê caardişî yê Amerîka tevbigerê muhdet daybî welatanê Çîn, Rûsya, Brîtanya, Fransa û Almanya yê ke hetê peymana nukleerî yê. Qedîyayîşê nê muhdetî ra dima Îranî birrêka winasîye daye. Îrano ke hêzanê caardişî yê Amerîka ra serkewte zaf zerar dî welatanê bînan ra wazeno ke hêzanê caardişî by-pass bikerê û bi taybetî seba rotişê petrolî îmkanan biderê.