Rixmê nêrazîbîyayîşan zî artêşa Îsraîlî roja çarşemeyî îdîa kerd ke înan nêzdîyê sînorê Misirî Refahî de, herêma Philadelphia ya tampone  vista binê kontrolê xo.

Vervatoxê artêşa Îsraîlî Daniel Hagariyî vat: ''Korîdorê Philadelphia seba ke Hamas Şerîdê Gazze rê çekan bigêro sey lûleya oksîjenî bi.''

Îsraîl dîyar keno ke beno ke şer hema hewt mengan dewam bikero.

Roja çarşemeyî Îsraîlî Kampa Refahî dabî bombayan ver. Goreyê doneyanê Neteweyanê Yewbîyayeyan (NY) mîyanê hîrê hewteyan de qasê mîlyonêkê filîstînijan Refahî ra remabî.

Goreyê Wezîrîya Weşîye ya Hamasî hêrişanê Îsraîlî de heta nika 36 hezar û 171 kesan dinyaya xo bedilnaya, 2 mîlyon kesan koç kerdo.

Cezayîrî Konseya Asayîşî ya NYyî rê vernîyazêk pêşkêş kerd û waşt ke şerê Îsraîl-Hamasî de wa adirbesêk bêro amadekerdene. Serekdewletê Çînî Şi Cinpingî zî seba haştîye veng da. Serekkomarê Misirî Abdulfettah El Sisiyî waşt ke wa koçberkerdişê filîstînijan biqedo.