Îsraîl: Ma do cewabê hêrişê Îranî bidê
General Herzî Halevîyî baregeho ke hêrişê Îranî de zerar dîyo, tede ard ziwan ke ê do cewabê hêrişê Îranî bidê.
PÊKEWTIŞÊ MABÊNÊ ÎSRAÎL Û ÎRANÎ
Serfermandarê Pêroyî yê Artêşa Îsraîlî Herzî Halevîyî vizêr baregeho ke hêrişê Îranî de zerar dîyo, tede qisey kerd.
Halevîyî Nevatim de baregeh zîyaret kerd û wina vat: ''Dewleta Îsraîlî do cewabê hêrişanê bi fuzeyan û teyarayan ê Îranî bida.''
Vervatoxê artêşe Daniel Hagarîyî zî baregeh de vat: ''Seba pawitişê dewleta Îsraîlî çi hewce yo ma do cade bikerê.''
Wina pawîyeno ke Kabîneya Şerî ya Îsraîlî ewro newe ra do kom biba.
