Serekê Amerîka Joe Bidenî  da zanayene ke Atme yo ke herêma  Îdlîbî ya  vakûrê Sûrîye de hetê hêzanê taybetan ê Amerîka ra operasyon ame kerdene û şefê DAÎŞî Îbrahîm El Haşîmî El Kureyş ame kiştene.

Selahîyetdarêkê Amerîka vat şefê DAÎŞî bombayê ke serê ci bî teqnayî. Dezgehê Çimdarîya Heqanê Merdiman ê Sûrîye da zanayene ke operasyon de 13 kesî merdî.

Adara 2020î de Wezîrê Karanê Teberê yê Amerîka Mike Pompeo dabi zanayene ke şefê DAÎŞî yo newe gerîyayo lîsteya reşî. El Kureyşî herinda Ebubekîr El Bagdadî yo ke 2019î de amebi kiştene girewtbi.

Îbrahîm El Haşîmî El Kureyş hetê Tirkîya ra ameyêne pawitene. Baldaro ke operasyonê Amerîka badê hêrişê vera Şingal, Mexmûr û Rojawanî ame kerdene. Nêame musayene ke binê naye de yew bazarîye esta ya nê.