Vervatoxê Artêşa Îsraîlî Daniel Hagariyî şewe eşkerayîye daye û pare kerd ke operasyonê erdî yê vera Gazze bi giranî dewam keno. Heman saetan de Gazze bi giranî dîyaye bombayan ver. Îsraîlî ancî venga şarê Gazze da ke wa ver bi başûrê şaristanî şoro.

Wextê bombardumanî de goreyê agahîyanê Şîrketa Telekomunîkasyonê Filîstînî Paltelî pêro xizmetê têkilîye, înternet û ê bînan bi temamî vindertê.

Rêxistina Doktoranê Sînornenasan zî da zanayene ke têkilîya înan a bi hemkaranê xo yê filîstînijan birîyaya. Muxabîranê BBCyî zî dîyar kerd ke ê nêeşkenê xo biresnê çime û merdimanê xo yê gazzeyîjan.

Heyetê Pêroyî yê Neteweyanê Yewbîyayeyan (NY) vernîyazê bira adirbirnayîşê însanî yê Gazze tesdîq kerd. 120 welatan paştî daye vernîyazî. La Îsraîlî bira adirbirnayîşî ya NYyî red kerde.

Artêşa Îsraîlî pê hesna ke înan Gazze de di fermandarê Hamasî kiştê. 

Hetê bînî ra Hamasî venga pêro komelê mîyanneteweyî û welatanê 'misilmanan' da ke wa verê hêrişanê Îsraîlî bigêrê.