Qezaya Hamdanîye ya ya Mûsilî ya Iraqî de 26ê êlule de salona veyveyî de şewat vejîyabî û şewat de 115 kesan dinyaya xo bedilnabî, tewr tay 200 kesî zî birîndar bibî.

Wezîrê Karanê Zereyî yê Iraqî Abdulemîr Şemerîyî bi eşkerayîyêke para kerd ke derheqê şewatî de komîsyonê tehqîqatî ronîyayo. Şemerîyî da zanayene ke kesê ke bîyê sebebê nê felaketî do bitepişîyê û çarçewa tehqîqatê vera şewatî de heta nika 14 kesî ameyê destbendkerdene. Şemerîyî ard ziwan ke 14 kesan ra 10 kesî xebatkarê salone û wayîrê salone yê.

Wina pawîyeno ke komîsyon do mîyanê 72 saetan de netîceyanê tehqîqatî rayaumûmîye de pare nikero.