Herêma Kalatî ya d başûrê Afganîstanî de verba bînaya teşkîlatê îstîxbaratî hêrişêkê bi wesayîtê bombabarkerdeyî ame kerdene. Hêriş de 10 kesî merdî û 85 kesî zî birîndar bîyî. Têgerayîşê Talîbanî berpirsîyarîya hêrişî girewte xo ser.
Afganîstan de verba bînaya teşkîlatê îstîxbaratî biwesayîtê bombabarkerdeyî hêriş ame kerdene 10 kesî merdî.
Goreyê beyanatê walîtîya eyaletê Zabûlî, hêriş serê sibayê Pancşeme ame meydan. Hêrişo bombayîn de ke verba servîsê îstîxbaratî (NDS) ame kerdene, nêweşxaneyê herême zî rijîyayo. Selahîyetdaranê herêmî dîyar kerd ke hêrişî de 10 kesî merdî û 85 kesî zî birîndar bîyî. Qiseykerdoxê Talîbanî Karî Yûsûfî dîyar kerd, înan verba NDS'î hêrişêkê xokiştişî viraşt. Goreyê qiseykerdoxê Talîbanî bîna bi temamî xêra bîya. Roja Sêşeme zî di hêrişî ameybî kerdene ke înan ra yewî mîtîngê Serekkomar Eşref Ganî û yo bîn zî Kabîl de ame kerdene û peynîye de tewr tayî 42 kesan wefat kerd. Celalabad de zî raha Çarşeme verê bînaya fermîye de hêrişêkê xokiştişî ame kerdene û 4 sivîlî merdî.
