Şerê Ukrayna-Rûsya reyde krîzê enerjî beno xorin. Almanya zî dest pê tedbîranê vera krîzî kerd. Paytext Berlin de şewa çarşemeyî xeylêk awanîyanê tarîxîyan û peykeran de çilayî ameyî hewnakerdene.

Bi nê hawayî Berlin de 1400 projektoran ra tesaruf do bêro kerdene. Hannnover de zî salonanê sporî de hînî awa serdine do bêra şuxilnayene û muze û bînaya Şaredarîye de şewe çilayî do nêrê tavistene.

Kreş, dibistan, keyeyê kokiman û merkezê weşîye nê tedbîran ra azade yê.

Leipzig, Munih û Nurmberg zî xo tedbîranê ekonomîkan rê amade kenê.

Çend hewteyî yo Serekwezîr Olaf Scholz seba tesarufî asta neteweyîye de veng dano.

Almanya şerî ra ver se ra 55ê gazê xo Rûsya ra girewtêne la hezîrane de no nîsbet se ra 35 bi.