Enstîtuyê Robert Kochî (RKE) roja pancşemeyî eşkerayîyêke daye û îfade kerd ke mîyanê 24 saetan de 4 hezar û 58 waqayî ameyî tesbîtkerdene. Serekê RKE hîşyar kerd ke waqayî do reyna nişka ra bizêdîyê.

Serekwezîra Almanya Angela Merkel zî bale ante mesele ser û ard ziwan ke seba ke reya verêne rîyê karantîna ra cayanê karî zaf zirar kerd, narey karantîna do  nêra caardene, coka  wa her kes baldar bo.

Hetê bînî ra Berlin û Frankfurt ke tede waqayî zêdêr ê sey herêma rîskî ameyî îlankerdene. Berlin de ewro ra tepîya bar, kafe, restaurantî ûsn mabênê saetanê 23:00-06:00 de do bêrê qefilnayene. Reyna dekewtiş û vejîyayîşê Berlinî de zî do testê Korona bêro kerdene.