Almanya rotişê çekan de wayîra rekorî ya

Almanya 10 menganê destpêkê serra 2019î de bi rotişê çekan bazirganîya çekan de resaye asta tewr berze. Almanya peymana çekan a ke erjê ci 7 mîlyar Euro ya tesdîq kerde.

Wezaretê Ekonomî yê Almanan derheqê peymananê bazirganîya çekan ê ke welatanê teberî reyde ameyî kerdene de zanayîşî da. Wezarîye cewab da vernîyazê persî yê Partîya Çepe û pare kerd ke mabênê 10 mengan ê 2019î de bi vayê 7.24 mîlyar Euroyî peymanê çekan ameyî tesdîqkerdene.

Almanya bi vayê 1.77 mîlya Euroyî çekî rotî welatanê Yewîya Ewropa û NATO. Muşterîya tewr girînge ya Almanya zî Tirkîya ya. Êyê ke Almanya ra çekan herinenê nê yê: Cezayîr, Misir, Qatar, DYA, Îngilistan, Norweç, Awustralya û Koreya Başûre.