Awusturalya de aşma êlule ra nata  şewatan de 26 kesan cuya xo vînî kerde. Warêk hendê girîdîya grawa Îrlanda vêşa bi wele. Tewr tay 2 hezarî keyeyî çîn bîyî.

Beno ke rojê ke vernîya ma de yê rîyê kelegermîye ra şewat bivejîyo. Leşkerî grawa Kanguru ya başûrê Awusturlaya de keyeyan ra gêrayî derheqê rîskê şewatî de zanayîş da û waşt ke ûca ra vejî. Roja çarşeme  zî cayê turîstan Viconne Bayî de şar amebi tehlîyekerdene. Eyaletê Victorya seba ke roja îneyî kelegermî yeno pawitene seba di rojan rewşa îstîsnayî derg kerde. Eyaletanê Victorya û Gallerê Başûre de hema 150 nuqtayan de şewatî estê. Nê her di eyaletî eynî wextî de eyeletê tewr sixletî yê Awusturalya yê.

1 Mîlyar Heywanan Gan Da

Profesorê Unîversîteya Sydneyî Chris Dickmanî eşkera kerd ke goreyê cigêrayîşê înan yew mîlyar heywanan şewatan de merdî.  Dickmanî bale ante germîya globale ser û vat çîyo winayên hema nêameyo dîyene. Cayo wina hîra de wina lezkanî rijnayîşêko winayên çîn o. Felaketa zaf gird a.