Iraq de protestoyê vera hukmatî yê ke paytext Bexdad û şaristananê erebanê şîîyan de dest pêkerdibî menga diyîne de dewam kenê.

Vizêr saetanê şanî de yew otopark de 7 çalakwanî ameyî kiştene û xeylêk zî birîndar bîyî. Kesanê ke hêriş kerd nasnameyê înan nêno zanayene. Çimeyanê fermîyan ê Iraqî hema derheqê babete de eşkerayîyêk nêdaye. Roja destpêkerdişê çalakîyan 1ê teşrîna verêne ra nata 450 kesan cuya xo vînî kerde û 15 hezaran ra zafêr zî birîndar bîyî.