Fransa de serebûtanê ke kişîyayîşê domanêkê 17 serrî ra dima dest pêkerdo roja 8. de zî dewam kerd.

Goreyê eşkerayîya Wezîrîya Karanê Zereyî şewa 8. de temamîya welatî de 72 kesî ameyî destbendkerdene. Dîya zanayene ke vizêr şewe 159 wesayîtî ameyî vêşnayene, 24 bînayî ameyî vêşnayene û texrîbkerdene.

Wezîrîya Karanê Zereyî bîlançoya pêroyî ya serebûtan wina rêz kerde:

-12 hezar konteynirê çopan ameyî vêşnayene

-Qasê 6 hezar wesayîtî ameyî îmhakerdene

-Tewr tay 1100 bînayan ameyî rijnayene yan zî texrîbkerdene

-3.915 kesî ameyî destbendkerdene ke nînan ra 1244 kesî doman bîyê. 374 kesî zî vejîyayî verê mehkeme.

-Tewr tay 200 kargehî bi temamî ameyî talankerdene, 300 şubeyê bankayan ameyî îmhakerdene.