Hêriş vera Xiristîyananê ke ayînê Paskalya kenê û tûrîstan ame viraştene. Mîyanê çend saetan de çar otel û hîrê dêran de teqayîşî ameyî viraştene. Srî Lanka, serra 2009 de bi des hezaran kesê têkoşînê azadîye yê Tamîl Eelamî qetil kerdî ra nata nêbîbî hedefê hêrişanê winayan.

Goreyê bîlançoya neweye, tewr kêmî 290 kesî merdî, nêzdîyê 500 kesî birîndar bîyî. Temamê ci 8 teqayîşî qewemîyayî. Heta nika tu hêzêk hêrişî nêgirewtî xo ser. Ame zanayene, 13 kesî rîyê teqayîşan ra ameyî destbendkerdene.

Polîsan da zanayene ke temamê kesanê ke ameyî destbendkerdene girêdayîyê eynî grube yê, la eşkera nêkenê ke kamcîn grub a.

Hetê bînî ra cayêkê nêzdîyê rasteyê teyara sereke ya paytextê Colombo de bombayêk ameye dîyayene. Ame zanayene bomba bi hawayêkê serkewtî ameya îmhakerdene.