Goreyê polîsan hîrê teqayîşî otelêka lukse de û yew zî dêr de paytext Colombo de virazîyayî. Hêrişê ke hûmara înan şeş bîye diyê înan hemverê di dêranê ke nizdê Colombo de bî virazîyayî. Hêrişî gama ke ayînê Paskalya ameyêne viraştene virazîyayî.

Goreyê selahîyetdaranê Srî Lankayijan hêrişan de tewr tay 137 kesan cuya xo kerde vînî. Yeno vatene ke bi seyan zî birîndarî estê. Hewna çewî mesuldarîya hêrişan nêgirewte xo ser.

Welato ke nufûsa ci 21 mîlyonî ya zafaneyê ci Bûdîst ê. Yeno texmînkerdene ke nufûsa Katolîkanê nê welatî 1.2 mîlyon a. Hetê nisbetî ra se ra 70’ê Srî Lanka Bûdîst, se ra 10 Musulman û se ra 7’ê ci zî Katolîk ê.

Welat de Katolîkî hetê tayê dormeyan ra sey hêzêkê yewkerdox yenê diyene. Çunke hem şarê Tamîlî û hem zî yê Sînhalayan de kesê ke wayîrê na bawerîye yê estê. Tayê Katolîkî seba ke hetê dewlete ra qirkerdişê Tamîlîyan rê îtîrazê xo ardî ziwan înan ser o zextî virazênê. Artêşa Srî Lanka, şerê hemverê Tamîlîyan serra 2009 de bi qirkerdişê des hezaran kesan qedînabi.