Îsraîlî roja îneyî qedîyayîşê adirbirnayîşê bi Hamasî ra dima tewr tay ''400 hedefî'' yê Şerîdê Gazze dayî bombayan ver.

Wezîrê Weşîye yê Hamasî da zanayene ke netîceya bombardumanî de tewr tay 240 kesî ameyê kiştene.

Wezîrê Pawitişî yê Îsraîlî Yoav Gallantî ard ziwan ke ê kenê ke Hamas bedelanê hîna giranan bido û neçare bimano ke esîran vera bido.

Serekwezîrê Îsraîlî Bunyamîn Netanyahuyî zî îdîa kerd ke ''seba serkewtişî operasyonê erdî ra ber rayîrêk nêmano.''

Amerîka hişyarî daye ke hêrişanê Îsraîlî yê vera Şerîdê Gazze de xeylêk merdimê bêguneyî kişîyayê.

Serekkomarê Fransa Ammanuel Macronî zî îfade kerd ke ''asayîşê'' Îsraîlî ''bi kiştişê filîstînijan'' nêno caardene û vat: ''Çinkerdişe Hamasî yeno çi mana?Eke no mumkîn bibîyêne şerî 10 serrî yo dewam nêkerdêne.''