Çalakîyê ke roja Çarşeme de ameyê viraştene û wexto ke Serekkomar Jaîr Bolsonaro menga Çele de ameybi wezîfeyî ser ra nata, nê çalakîyê tewr verên ê ke sewîyeya mîyanneteweyî de ameyê viraştene.

Girseyî waşt wa heqê perwerdeyî bêrê pawitene û qanûnê ‘çeke xosergirewtiş’ û ‘reformê teqawitbîyayîşî’ prosto kerdî.

27 eyalet û 188 bajaran de çalakîyî ameyî viraştene. Eyaletanê Belem, Brasîllîa, Sao Paulo, Salvador, Belo Horîzonte û Rîo de bi sed hezaran kesî vejîyayî kuçeyan.

Hukmatî waştibi ke budçeyê unîversîteyanê federalî ra se ra 30 bêro kêmkerdene. Sendîkayan zî vera nê qerararî vengdayîşê çalakîyan kerdîbî.

Wezîrê Perwerdeyî Abraham Wîntraubî tedbîrê kêmkerdişê budçeyî yê serê hîrê unîversîteyan bodo kerdibi hîra û seba hemeyê ûnîversîteyan kerdibi bicaardene.