Brîtanyaya Pîle de rewşa nêdîyare ya prosesê Brexîtî dewam kena. Waştişê weçînayîşê verwextî yê Serekwezîrê Borîs Johsonî yo ke çend roje verê cû ame redkerdene, na reye zî hetê Kamaraya Avaman ra tesdîq bîy.

Roniştişê Kamaraya Avaman de munaqeşeyê pêtî mabênê terefgîran û duştberan Brexîtî de ameyî kerdene. Netîce de qerar ame girewtene ke weçînayîşo verwext 12ê teşrîna peyêne de do bêro kerdene.

Raydayîş de her çiqas Partîya Karkeran vera ci vinderte zî Demokratanê Lîberalan û Partîya Neteweyî ya Skoçî seba weçînayîşê verwextî raya 'heya' daye.

Goreyê anketan Partîya Mûxafazakaran rayberîya Serekwezîr Borîs Johsonî de bi 10-15 puanan verê Partîya Karkeran de ya. Labelê yeno zanayene ke zafê weçînayîşanê Brîtanya de netîceyî goreyê anketan nêvejîyenê.